Máhttogiissá birra

Árbevierut dollojuvvojit eallin go máhttu juogaduvvo ja fievrriduvvo olbmuid gaskkas. Kulturráđđi lea dan dihte ráhkadan máhttogiissá vai čalmmustahttá iešguđegelágan ealli árbevieruid ja árbevirolaš máhtu mii gávdno Norggas.

Eahpeávnnaslaš kulturárbbis sáhttet leat vierut ja rituálat, musihkka, dánsun ja njálmmálaš muitalusat – dat sáhttet leat giehtaduodjemáhttu ja luonddu ja máilmmiávu máhttu.

Juoge du máhtu

Leago dus máhttu maid háliidat juogadit?

Kulturráđđi háliida buktagiid oažžut miehtá riikka, ja iešguđege birrasiin. Mis lea earenoamáš stuora beroštupmi oažžut ovdan ealli árbevieruid ja árbevirolaš máhtu iešguđege unnitlogubirrasiin. Vuolgge mielde eaktodáhtolaš bargui!

Dás sáhtát juohkit iežat buktaga.

Ulbmil máhttogiissáin

  • dahkat iešguđegelágan bargoduogáža ja ovdanbuktimiid oidnosii eambbosiidda
  • láidet olbmuid oažžut eanet máhtu dakkár árbevieruide ja bargoduogážiidda
  • addit dieđuid mii ovdánahttá beroštumi báikkálaš sajáiduvvon vieruide ja árbevieruide
  • ovdánahttit dohkkeheami iežas ja earáid kulturárbbi
  • gilvit buori bargoduogáža movt fievrridit máhtu

Kulturráđi rolla

Máhttogiisá galgá logahallat eahpeávnnaslaš árbevieru Norggas. Juohke riika geatnegahtto álggahit registara iežaset eahpeávnnaslaš kulturárbbiide iežaset territorias go ratifiserii UNESCO konvenšuvnna gáhttet eahpeávnnaslaš kulturárbbi 2003. Máhtogiisá lea okta oassi Kulturráđi barggus čuovvulit ja dahkat konvenšuvnna oahpisin Norggas.

Kulturráđis lea doaimmaheaddji ovddasvástádus máhttogiisái. Mis lea váldi sihkkut ovdasága mii ii leat heivvolaš neahttasiiddu profiilii. Buktagat mat eai čuovo gáibádusaid ođasmahttimii sáhttet maid sihkkojuvvot.

Háliidat go oahppat eanet konvenšuvnna birra?

Eanet dieđut UNESCO-konvenšuvnna birra movt gáhttet eahpeávnnaslaš kulturárbbi gávnnat dáppe.