Sádde sisa buktaga

Du máhttu lea dehálaš! Go sáddet iežat buktaga máhttogiisái, de leat don mielde čalmmustahttime iešguđegelágan eahpeávnnaslaš kulturárbbi Norggas, ja ovddideame máhtu dán oasis kulturárbbis.

Mii háliidit oppalašgova buot dovddus árbevieruin ja árbevieruin mat eai leat dovddus

Máhttogiisá lea rábas buohkaide. Oaččut juohkit iežat buktaga go álggahat ođđa geavaheaddjin ja manat sisa neahttasiidui. Go áiggut juohkit iežat buktaga, de galggat čállit dohko čuovvovaš dieđuid.

1. Čoahkkáigeassu: Dát čájehuvvo bajimusas, bajilčállaga vuolábealde. Čilge oanehaččat mii du bargoduogáš lea.
2. Árbevierru ja máhttu: Čilge movt dat dahkko, goas dán bargá ja maid dárbbaša go doaimmaha dan. Leat go dihto sosiála čanus gos dán doaimmaha?
3. Doaimmaheddjiin geain lea alla gelbbolašvuohta: Čále doaimmaheddjiid geat barget bures dahje lea alla gelbbolašvuohta. Fuolat ahte dát olmmoš/olbmot leat mieđihan ahte sii namahuvvojit.
4. Máhttofievrrideapmi: Čilge movt bargoduogáš árbevirolaččat oahpahuvvo ođđa geavaheddjiide.
5. Historjjálaš duogáš: Čilge dahket go seamma ládje otne nugo ovdalaš áiggi. Čilge maid movt ulbmilat ja áigumušat bargoduogážiin leat rievdan.
6. Plána viidáset fievrridemiin: Makkár boahtteáigge doaivagat leat bargoduogážiin/gálggain/kulturovdanbuktimiin? Makkár doaibmabijut leat ovdamearkka dihte biddjon johtui nu ahte máhttu fievrriduvvo viidáseappot?
7. Govat, videot, jietnabihtát. Dása sáhtát bidjat sisa media mii govvida du bargoduogáža.

Muhtin suorggit dan skovis leat bákkolaččat. Oaččut čállit nu unnán dahje nu olu go háliidat. Buktagat almmuhuvvojit dalán. Oaččut rievdadit iežat buktaga goas ain heive.

Rievttit ja namuhuvvomat

Go sáddet buktaga, de dohkkehat don čuovvovaš eavttuid:

• Lea dušše lobálaš sáddet govaid, videoid dahje eará govva ávdnasiid maid ieš leat ráhkadan dahje álgovuolggaolmmoš lea dohkkehan ahte don sáddet. Fuolat danin ahte dus leat rievttit geavahit govaid, videoid ja ovdamearkka dihte eará ávdnasiid.
• Don it sáhte sáddet govaid dahje videoid jus olmmoš/olbmot geat leat govain dahje videoin eai leat dohkkehan ahte dát sáddejuvvojit. Jus olmmoš/olbmot leat vuollel 15 jagi, fertet oažžut dohkkeheami sin ovddasteddjiin.
• Govvejeaddji ja eará álgovuolggaeaiggádat galget namuhuvvon govvateavsttas.
• Jus don namuhat nammijahkii olbmuid teavsttas, de ferte sis leat ipmárdus dasa.

Don sáhtát válljet galgá go du buktagis leat friddja moddigeavaheapmi, dahje galgá go ráddjejuvvot viidáset geavaheamis. Loga eanet moddigeavaheami birra dáppe.

Ođasmahte iežat buktaga

Eahpeávnnaslaš kulturárbi sisttisdoallá ealli kultuvrra mii lea anus. Sáhtát ođasmahttit dieđuid goas nu ain heive. Čájehit ahte lea ealli bargoduogáš maid don čilget ja ahte dat fievrriduvvo viidáseappot, vuordit mii ahte don ođasmahtát buktaga unnimusat juohke nuppi jagi. Ane áinnas čalmmis movt dii bargabehtet doalahan dihte ja fievrridit máhtu ja árbevieru viidáseappot.

Buktagat mat eai ođasmahttojuvvo njuolggadusaid ektui, váldojuvvot eret almmuheamis.